Улсын драмын эрдмийн театр болон Соёл урлагийн их сургууль хамтран “Г.Доржсамбуугийн нэрэмжит жүжигчний анги”-д оюутан элсүүлэхээр болжээ. “Г.Доржсамбуугийн нэрэмжит жүжигчний анги” нь дөрвөн жилд нэг удаа элсэлт авах бөгөөд жүжигчний мэргэжлийн хичээлүүдийг УДЭТ-ын найруулагчид, жүжигчид, мэргэжлийн урлагийн байгууллагын нэр хүнд бүхий мастер багш нар зааж, ажлын байранд суурилсан бакалаврын сургалтыг зохион байгуулна.

ЭЛСЭЛТИЙН БҮРТГЭЛИЙН ХУГАЦАА:

Хугацаа: 2025 оны 05-р сарын 03-аас – 06-р сарын 07-ны өдрийг дуустал
Хаана: Улсын драмын эрдмийн театрт

ХИЧЭЭЛИЙН ХӨТӨЛБӨР:

Ерөнхий эрдмийн болон заавал сонгон судлах хичээлүүдийг СУИС-ийн ТУС-ийн оюутнуудтай адил сонгон судалж, анги танхимаар хангагдана.

МЭРГЭЖЛИЙН ХИЧЭЭЛҮҮД:

1. Жүжигчний уран чадвар
2. Дуулах ур зүй
3. Тайзны яриа
4. Бүжиг
5. Тайзны хөдөлгөөн
6. Нүүр хувиргалт зэрэг хичээлүүд нь УДЭТ-ын төв байранд зохион байгуулагдаж, СУИС-ийн диплом, ромботой төгсөнө.

Дэлгэрэнгүй мэдээллийг 88699189 утаснаас лавлах боломжтой. Мөн https://shorturl.at/EGnOq холбоосоор бүртгүүлэх боломжтой.