Улаанбаатар хотын төв талбайд 9-р сарын 19-21-ний өдрүүдээр намрын номын баяр болно. Та бүхэн номын баярын үйл ажиллагаанд зочилж, бүх төрлийн ном худалдан авах, зохиолчдын гарын үсгийг цуглуулах, дурсгалын зураг татуулах зэрэг олон сонирхолтой зүйлсийг хийх боломжтой. 

Энэ удаагийн баярыг “Илүү их уншъя” уриан дор тэмдэглэж, ном сонирхогчид, уншигч олныг номын ертөнцөд хөтлөн, шинэ бүтээлүүдтэй танилцах, зохиолчидтой уулзах, номын соёлыг дэмжих олон үйл ажиллагаа болно.

Иймд, уншигч та бүхэн худалдан авах номуудынхаа жагсаалтыг эртнээс бэлдэж, төлөвлөгөөгөө нягт боловсруулж амжвал үр ашигтай, өөрт хэрэгтэй худалдан авалтыг хийх боломжтой билээ.