Стандарт, хэмжил зүйн газрын дарга С.Батбаатар БНХАУ-ын “Хөдөө аж ахуйн шинжлэх ухааны академийн агро бүтээгдэхүүний чанарын стандарт, туршилтын технологийн институт”-ийн төлөөлөгчдийг хүлээн авч уулзлаа.
Энэхүү уулзалтаар Хүнсний аюулгүй байдлын үндэсний лавлагаа лаборатори болон Стандарт, хэмжил зүйн газрын аймаг, орон нутгийн сорилтын сүлжээ лабораторийн шинжээч, мэргэжилтнүүдийг Хятад Улсын тус байгууллагад туршлага судлуулах, мэргэжил дээшлүүлэх боломжийн талаар ярилцсан юм.
Уулзалтад Стандарт, хэмжил зүйн газрын дарга С.Батбаатар, ХАБҮЛЛ-ийн захирал О.Нандин-Эрдэнэ, Хятад Улсын талаас Амьтны гаралтай бүтээгдэхүүний чанар, аюулгүй байдлын судалгааны хэлтсийн эрхлэгч Чэн Ай Лиан тэргүүтэй төлөөлөгчид оролцов.
Дээрх уулзалт Хүнсний аюулгүй байдлын үндэсний лавлагаа лаборатори болон тус институтын хооронд байгуулсан хамтын ажиллагааны санамж бичгийн хүрээнд зохион байгуулагдлаа. 
