Стандарт, хэмжил зүйн газрын даргын тушаалаар томилогдсон ажлын хэсэг удирдамжийн дагуу Дундговь, Өмнөговь аймаг дахь Стандарт, хэмжил зүйн хэлтсийн үйл ажиллагаанд явцын хяналт-шинжилгээ хийж ажиллалаа.

Ажлын хэсэг 2024-2025 оны үйл ажиллагааны төлөвлөлт, гүйцэтгэл, хуулиар олгогдсон чиг үүрэг(Бүтээгдэхүүн, ажил үйлчилгээний баталгаажуулалт, хэмжих хэрэгслийн шалгалт баталгаажуулалт, хэмжих хэрэгслийн шалгалт тохируулга, хэмжил зүйн хяналт шалгалт, сорьцын хяналт, сорилтын лаборатори, стандартын салбар сангийн үйлчилгээ)-ийн хэрэгжилт, байгууллагаас гаргасан тушаал шийдвэр нь хууль тогтоомжид нийцсэн байдал, байгууллагын архив, албан хэргийн хөтлөлт, Нийтийн мэдээллийн ил тод байдлын тухай хуулийн хэрэгжилт, төсвийн гүйцэтгэл, захиран зарцуулалт, орлогын гүйцэтгэл, төвлөрүүлэлтэд явцын хяналт-шинжилгээ хийлээ.

Хяналт шалгалтаар үр дүнг нэмэгдүүлэх, хэрэгжилт хангалтгүй болон дутуу хэрэгжилттэй арга хэмжээг эрчимжүүлэх, ажилтан, албан хаагчдын сахилга, үүрэг хариуцлагыг нэмэгдүүлэхэд чиглэсэн үнэлэлт дүгнэлт хийж, мэргэжил арга зүйн зөвлөмж өгч ажиллалаа.