COP17 хурлын үеэр “Моннис групп” Үндэсний цэцэрлэгт хүрээлэнгийн авто зогсоолд 10 цахилгаан автомашиныг зэрэг цэнэглэх боломжтой ногоон өртөөг ашиглалтад орууллаа.
Нээлтийн үеэр нийслэлийн Засаг дарга бөгөөд Улаанбаатар хотын Захирагч Б.Пүрэвдагва автомашинаас үүдэлтэй агаарын бохирдлыг бууруулах хүрээнд цахилгаан автомашины хэрэглээг дэмжиж, цэнэглэх өртөөний тоог нэмэгдүүлэх бодлого хэрэгжүүлж буйг онцлов. Мөн цаашид цахилгаан автомашиныг зогсоолын төлбөрөөс чөлөөлөх төлөвлөгөөтэйг мэдээллээ.
“Моннис групп”-ийн зүгээс цахилгаан автомашин нь шатахууны зардлыг бууруулах давуу талтайг онцолж, ногоон өртөө байгуулах ажлыг цаашид дэмжин ажиллахаа илэрхийлэв.
