Нийслэлийн ИТХ-ын ээлжит VIII хуралдаанаар 2026-2027 оны халаалтын улирлын бэлтгэл, Засгийн газрын 2018 оны 62 дугаар тогтоолын хэрэгжилтийн талаар мэдээлэл сонслоо.

Энэ үеэр шахмал түлшний нөөц, тээвэрлэлт, борлуулалтыг тасалдуулахгүй зохион байгуулж, хагас коксжсон нүүрсний худалдан авалтад тогтмол хяналт тавих шаардлагатайг онцоллоо. Мөн шингэрүүлсэн нефтийн хийн халаалтад шилжсэн айл өрхийн хийн зуухны ашиглалтад хяналт тавьж, болзошгүй эрсдэлээс урьдчилан сэргийлэх, иргэдэд заавар зөвлөмжийг тухай бүр хүргэхийг чиглэл болгосон байна.

Өвөлжилтийн бэлтгэл ажлыг тооцоо судалгаатай, системтэй, зохион байгуулалттайгаар эрчимжүүлж, иргэдийг чирэгдэлгүй, түлшний хомсдолгүй өвөлжүүлэх нөхцөлийг бүрдүүлэх шаардлагатайг онцлов.