НИТХ-ын дарга А.Баяр өчигдөр зохион байгуулагдсан ээлжит бус хуралдааныг хууль бус болсон хэмээн мэдэгдэж, хурлын даргын санаачилгагүйгээр хуралдсан нь эрх зүйн үндэслэлгүй гэж үзэж байгаагаа илэрхийллээ. Түүний хэлснээр уг хуралдааныг хүчингүйд тооцох боломжтой байна.

Тэрбээр Туулын хурдны зам төслийг яаралтай хэлэлцүүлэх шахалт ирсэн ч иргэдэд хангалттай мэдээлэлгүй, байгаль орчин болон эдийн засгийн үр нөлөө нь тодорхойгүй нөхцөлд шийдвэр гаргах боломжгүй гэж онцолсон юм.

Мөн нийслэлийн төсөв, томоохон төслүүдийн санхүүжилт, зарцуулалт ил тод байх ёстойг дурдан, хэрэгжиж буй мега төслүүдийн мэдээллийг нээлттэй болгох, хяналт тавих ажлын хэсэг байгуулахаа зарлалаа.